Тожикистон президенти Эмомали Раҳмон иқтисодий инқироз сабаб мамлакат аҳолисини икки йиллик озиқ-овқат захирасини ғамлаб қўйишга чақирди. Бу ҳақда «Газета.ru» хабар бермоқда.
«Мана, бир неча йилдирки биз халқни икки йиллик озиқ-овқат захирасини ғамлаб қўйишга чақирмоқдамиз. Бу жуда муҳим. Айниқса, мамлакатимиз бозорлари қишлоқ хўжалиги маҳсулотларига тўлган бу йилда ҳар бир оила мазкур имкониятдан фойдаланиб қолиши даркор», — дея қайд этди президент.
Раҳмоннинг қўшимча қилишича, жаҳондаги нотинч геосиёсий вазият, миллий валюта курсларининг тушиб кетаётгани ва куз-қиш мавсумининг ҳаддан ортиқ даражада совуқ келиши эҳтимоли мамлакат аҳолиси ҳаётига салбий таъсир қилиши мумкин.
Шунга қарамай, Раҳмоннинг қайд этишича, 2015 йил қишлоқ хўжалиги маҳсулотларини етиштириш жиҳатидан муваффақиятли келди ва бундан ҳар бир оила фойдаланиб қолиши керак.
Изоҳ (0)