31-avgust, dushanba kuni AQShda hakamlar sudi Ku-kluks-klan o‘ta o‘nglar tashkiloti filiallaridan birining sobiq yetakchisini Amerikaning Kanzas shtati Overlend-Park shahridagi yahudiylar markazi yaqinida uch kishini o‘ldirib ketganlikda aybdor deb topdi. Bu haqda “Zakon.kz” xabar bermoqda.
74 yoshli Miller qurbonlarini sochma o‘qli ov miltig‘idan otgan. Qotil ular bilan tanish bo‘lmagan va hamtovoqlarisiz harakat qilgan. Avvalroq eshituvlar chog‘ida erkak “yahudiylarni o‘ldirmoqchi bo‘lgani uchun” o‘t ochganini aytgan edi.
Miller bir paytlar Ku-kluks-klanning Shimoliy Karolinadagi hududiy bo‘linmasini boshqargan. Unga nisbatan yakuniy hukm keyinroq e’lon qilinadi. U bir umrlik qamoqqa yoki o‘lim jazosiga mahkum etilishi mumkin.
Izoh (0)