Misr tashqi ishlar vazirligi xorij davlatlarining mamlakat sud hokimiyati ishiga aralashish va unga bosim ko‘rsatish harakatlarini qoraladi. Bu boradagi bayonot 30-avgust, yakshanba kuni, Qatarning “Al-Jazira” telekanali xodimlaridan bir guruhiga ayblov e’lon qilinganidan so‘ng tarqatildi, deya xabar berdi “TASS”.
Eslatib o‘tamiz, Misr sudi “Al-Jazira” xodimlari Muhammad Faxmiy, Bohir Muhammad va Piter Gristni “Musulmon birodarlar” uyushmasini qo‘llab-quvvatlashda ayblab, uch yillik qattiq tartibdagi qamoq jazosiga hukm etdi. Bu qaror dunyoning ko‘plab mamlakatlari, xususan, Yevropada norozilik uyg‘otdi.
Izoh (0)