Oregon shtatidan senator-demokrat Jeff Merkli AQSh Kongressida sentabr oyida bo‘lib o‘tadigan ovoz berish chog‘ida Eron yadro dasturi bo‘yicha kelishuvni qo‘llab-quvvatlashini bildirdi. Bu bilan Senatdagi kelishuv tarafdorlari soni 31 kishiga yetdi va ushbu hujjat o‘z kuchini saqlab qolishini kafolatlash uchun yana uchta ovoz kerak bo‘ladi. Bu haqda “TASS” xabar bermoqda.
Аyni paytda deyarli barcha respublikachilar kelishuvni rad etishga tayyorgarlik ko‘rmoqda. Ular Kongressning ikki palatasida ham ko‘pchilik ovozga ega va Tehron bilan kelishuv yoqlanmasligi ehtimoli katta. Biroq prezident Barak Obama agar Kongress shunday qarorga kelsa, bu xulosaga taqiq qo‘yishi to‘g‘risida avvaldan ogohlantirdi.
Izoh (0)