Qozog‘iston prezidenti Nursulton Nazarboyev Xitoyga tashrifi doirasida Xitoy korporatsiyalari rahbarlari bilan uchrashuvlar o‘tkazdi. “Tengrinews.kz” xabariga ko‘ra, shunday uchrashuvlarning birida Nazarboyevga xushomad qilindi.
“Muhtaram janob prezident, biz sizni ko‘rib turganimizdan juda xursandmiz. Ko‘rinishingiz ajoyib ekanligidan ham juda xursandmiz”, — dedi CITIC Group korporatsiyasi direktorlar kengashi raisi Chan Chjenmin. Mazkur so‘zlarni Nazarboyev va Qozog‘iston delegatsiyasi a’zolari tabassum bilan qabul qildi.
Umuman olganda, uchrashuvlar davomida ancha jiddiy masalalar muhokama qilingan. Oqo‘rda matbuot xizmati axborotiga ko‘ra, suhbatlar vaqtida qo‘shma investitsiyaviy loyihalarning amalga oshirilishi, shuningdek, “Nurli jo‘l” dasturi doirasida Qozog‘istonni infratuzilma jihatidan rivojlantirishda Xitoy kompaniyalarining ishtiroki haqida so‘z borgan.
Izoh (0)