Germaniyaning Gessen yeri hukumati rahbari Folker Buffye 2015-yilda mamlakatga millionga yaqin muhojir va qochoq kelishini taxmin qilmoqda. Bu, “RIA Novosti”ning yozishicha, Germaniya ichki ishlar vaziri prognozidagi ko‘rsatkichdan 200 ming kishiga ko‘p.
Avvalroq Germaniya ichki ishlar vaziri Tomas de Mezyer 2015-yilda mamlakatga 800 ming nafargacha qochoq va muhojirlar kelishi kutilayotganini ma’lum qilgandi. Vazirning so‘zlariga ko‘ra, mazkur raqam 2014-yilgi ko‘rsatkichlardan to‘rt barobar ko‘p.
Germaniya muhojirlarning bu qadar katta oqimi bilan hali hech qachon to‘qnash kelmagan, biroq Buffyening ma’lum qilishicha, mamlakat bu masalani ijobiy hal qila oladi.
Yevropa Ittifoqining Frontex chegara agentligi ma’lumotlariga ko‘ra, 2015-yil boshidan beri Yevroittifoq hududiga 340 ming muhojir kelgan. Ekspertlarning fikricha, qit’aning bir qator mamlakatlarida kuzatilayotgan noqonuniy muhojirlar bilan bog‘liq vaziyat Ikkinchi jahon urushidan beri aholi ko‘chishiga daxldor eng yomon inqirozdir.
Izoh (0)