Yaqin vaqtdan boshlab Toshkentda Tayvanning Asus kompaniyasi tomonidan ishlab chiqarilgan smartfonlarning bir nechta modellari sotilmoqda, deb yozadi “Mobinfo.uz”. Qayd etilishicha, hozirgacha faqat bitta model sotilgan bo‘lib, qolganlarini faqatgina xorijiy internet-do‘konlar orqali buyurtma berish mumkin bo‘lgan.
Hozirda Toshkentdagi “Fleshka” savdo markazida (sobiq “Malika”) Asus kompaniyasining Zenfon lineykasidagi smartfonlarining bir nechta modelini sotib olish mumkin. Jumladan, Zenfon 2 (16, 32 va 64 Gblik versiyalarda), Zenfon 5 (16 Gb) hamda Zenfon 6 (16 Gb) smartfonlari sotilmoqda.
Sotuvchilarning so‘zlariga ko‘ra, qurilmalarga bir yillik firma kafolati beriladi. 16 Gb tezkor xotiraga ega Zenfon 2 o‘rtacha 1,2 million so‘m, 16 Gblik Zenfon 6 1,1 million so‘m, 16 Gblik Zenfon 5 esa 874 ming so‘mga sotilmoqda.
Izoh (0)