O‘zbekiston Axborot texnologiyalari va kommunikatsiyalarini rivojlantirish vazirligi 20-avgustdan “O‘zbekiston pochtasi” aksiyadorlik jamiyati tomonidan tayyorlangan “O‘zbekiston markalarida sport” turkumining maxsus pochta markalarini muomalaga kiritdi. Bu haqda “O‘zbekiston pochtasi” matbuot xizmati xabar bermoqda.
Pochta markalari Buyuk Britaniyaning Glazgo shahrida bo‘lib o‘tadigan gimnastika bo‘yicha jahon chempionatiga hamda Xitoy poytaxti Pekinda bo‘ladigan yengil atletika bo‘yicha jahon chempionatiga bag‘ishlangan.
37x37 millimetr o‘lchamda, 10 ming adadda chiqarilgan pochta markalarining birida ustunga tayanib sakrayotgan gimnast ayol, ikkinchisida balandlikka sakrayotgan sportchi fragmentlari tasvirlangan.
Markalarning har ikkalasi ham dizayner Ye.Kanevets tomonidan tayyorlangan bo‘lib, gimnastika bo‘yicha jahon chempionatiga bag‘ishlanganining qiymati 1,2 ming so‘m, yengil atletika bo‘yicha jahon chempionatiga bag‘ishlanganining qiymati esa 1,5 ming so‘mga teng.
Izoh (0)