Ўзбекистон Ахборот технологиялари ва коммуникацияларини ривожлантириш вазирлиги 20 августдан «Ўзбекистон почтаси» акциядорлик жамияти томонидан тайёрланган «Ўзбекистон маркаларида спорт» туркумининг махсус почта маркаларини муомалага киритди. Бу ҳақда «Ўзбекистон почтаси» матбуот хизмати хабар бермоқда.
Почта маркалари Буюк Британиянинг Глазго шаҳрида бўлиб ўтадиган гимнастика бўйича жаҳон чемпионатига ҳамда Хитой пойтахти Пекинда бўладиган енгил атлетика бўйича жаҳон чемпионатига бағишланган.
37х37 миллиметр ўлчамда, 10 минг ададда чиқарилган почта маркаларининг бирида устунга таяниб сакраётган гимнаст аёл, иккинчисида баландликка сакраётган спортчи фрагментлари тасвирланган.
Маркаларнинг ҳар иккаласи ҳам дизайнер Е.Каневец томонидан тайёрланган бўлиб, гимнастика бўйича жаҳон чемпионатига бағишланганининг қиймати 1,2 минг сўм, енгил атлетика бўйича жаҳон чемпионатига бағишланганининг қиймати эса 1,5 минг сўмга тенг.
Изоҳ (0)