AQSh va Janubiy Koreya armiyalari generallari, agar KXDR harbiy harakatlarni boshlaydigan bo‘lsa, bunga qarshi “qattiq zarba” berishga kelishib oldi. Bu haqda “Gazeta.ru” xabar bermoqda.
“Shimoliy Koreyaning yangi ig‘volari ittifoqchi kuchlarning qattiq zarbasi bilan kutib olinadi”, — deyiladi rasmiy axborotda.
Mazkur kelishuvga AQSh qurolli kuchlari shtab boshliqlari birlashgan qo‘mitasi rahbari Martin Dempsi va uning Janubiy koreyalik hamkasbi, admiral Soy Yun Xi o‘rtasidagi telefon muloqoti vaqtida erishilgan.
Avvalroq Janubiy Koreya tashqi ishlar vaziri, Shimoliy Koreya bilan chegarada yuzaga kelgan keskin vaziyat tufayli, Markaziy Amerikaga safarini to‘xtatgani haqida xabar berilgan edi.
Izoh (0)