Noma’lum shaxs Nyu-York markazida soqchiga o‘q uzib, so‘ng o‘zini otib tashladi

Nyu-Yorkning Manxetten okrugida noma’lum shaxs davlat muassasasi soqchisiga qarata o‘q uzdi va binodan chiqayotib, o‘zini otib tashladi, deya xabar bermoqda “RIA Novosti”.

Hodisa shahar markazida Varik-strit ko‘chasidagi 201-uy lobbisida sodir bo‘ldi, bino AQSh immigratsiya sudiga tegishli. Yovuz niyatli kimsa metall detektoriga yaqin kelgan, so‘ng keskinlik bilan qurolini chiqarib, yaqin masofadan soqchini otib tashlagan.

Yarador soqchi kasalxonaga yetkazilgan va u yerda vafot etgan. Jinoyatchi voqea joyida o‘lgan.

Politsiya xabariga ko‘ra, yovuz niyatli kimsa yolg‘iz harakat qilgan, u terrorchilik tashkilotiga aloqador bo‘lmagan.