Shimoliy Koreyaning Rossiyadagi elchisi Kim Xen Jun KXDR navbatdagi koreys ziddiyati bartaraf etilishida Rossiya va dunyo hamjamiyati qo‘llab-quvvatlashiga umid qilayotganini bildirdi. Bu haqda “RIA Novosti” ma’lumotlariga asoslanib, “Zakon.kz” xabar bermoqda.
“KXDR Rossiyaning yordamiga ishonadimi?”, degan savolga javob berar ekan, elchi “Nafaqat Rossiya, o‘ylaymanki, butun dunyo ham bugungi mojarolarning asl sababini tushunib yetadi va Koreya yarim orolidagi vaziyat o‘nglanishiga o‘z hissasini qo‘shadi”, — deya ta’kidlab o‘tgan.
Eslatib o‘tamiz, 21-avgust, juma kuni KXDR tashqi ishlar vazirligi mamlakat Shimoliy Koreya xalqi tanlagan davlat tuzumini himoya etish uchun Seul bilan qaqshatqich urushga tayyor ekanligi to‘g‘risida bayonot berdi.
Izoh (0)