Fransiyada tezyurar poyezd harakatlanish chog‘ida yonib ketdi

Parij—Marsel yo‘nalishi bo‘yicha harakatlanayotgan tezyurar poyezd 21-avgust, juma kuni Lion shahrida yonib ketdi, deya xabar bermoqda “Korrespondent.net”.

Yong‘in sabablari hozircha noma’lum, voqea joyida 80 nafar o‘t o‘chiruvchi ishlamoqda.

Jabr ko‘rgan poyezdda yong‘in boshlanganida taxminan 800 nafar yo‘lovchi bo‘lgan, ulardan hech kimga zarar yetmagan.

Poyezddan yo‘lovchilarni evakuatsiya qilish uchun temiryo‘lning ushbu hududida tok uzib qo‘yildi, natijada boshqa poyezdlar harakati ham to‘xtab qoldi.