АҚШ ва Жанубий Корея армиялари генераллари, агар КХДР ҳарбий ҳаракатларни бошлайдиган бўлса, бунга қарши «қаттиқ зарба» беришга келишиб олди. Бу ҳақда «Газета.ru» хабар бермоқда.
«Шимолий Кореянинг янги иғволари иттифоқчи кучларнинг қаттиқ зарбаси билан кутиб олинади», — дейилади расмий ахборотда.
Мазкур келишувга АҚШ қуролли кучлари штаб бошлиқлари бирлашган қўмитаси раҳбари Мартин Демпси ва унинг Жанубий кореялик ҳамкасби, адмирал Сой Юн Хи ўртасидаги телефон мулоқоти вақтида эришилган.
Аввалроқ Жанубий Корея ташқи ишлар вазири, Шимолий Корея билан чегарада юзага келган кескин вазият туфайли, Марказий Америкага сафарини тўхтатгани ҳақида хабар берилган эди.
Изоҳ (0)