Yevropa Ligasining 3-saralash bosqichida Odil Ahmedov va Sanjar Tursunov jamoalari maydonga tushdi

Kecha, 30-iyul kuni nufuzi jihatidan Yevropa Chempionlar Ligasidan so‘ng ikkinchi o‘rinda turuvchi Yevropa Ligasida uchinchi saralash bosqichining ilk uchrashuvlari bo‘lib o‘tdi, deb xabar qiladi “Arena.uz”.

Odil Ahmedov to‘p suradigan Rossiyaning “Krasnodar” klubi joriy yevrokuboklar mavsumidagi ilk o‘yinini Slovakiyaning “Slovan” klubiga qarshi o‘tkazdi va 2:0 hisobida ishonchli g‘alabaga erishdi. O‘zbekiston terma jamoasi yetakchisi bo‘lgan Ahmedov ushbu uchrashuvning dastlabki daqiqalarida zaxira o‘rindig‘ida qoldirildi va 68-daqiqada jamoadoshi Mamayevning o‘rniga o‘yinga qo‘shildi.

O‘zbekiston terma jamoasining boshqa bir vakili Sanjar Tursunov ham 30-iyul kuni o‘z jamoasi bilan Yevropa Ligasi saralash o‘yinlarida maydonga tushdi. Tursunov to‘p tepadigan “Vorskla” klubi ham bu bosqichda Slovakiyaning yana bir jamoasi — “Jilina” mehmoni bo‘ldi va 0:2 hisobida mag‘lubiyatga uchradi. O‘zbekistonlik futbolchi uchrashuvda 90 daqiqa to‘liq harakatlandi.

Yevropa Ligasi. 3-saralash bosqichi. Dastlabki uchrashuvlar

Krasnodar (Rossiya) – Slovan Bratislava (Slovakiya) 2:0 (1:0)Gollar: 1:0 – 45 Grankvist, 2:0 – 59, penalti Mamayev.Krasnodar – Dikan, Sigurdsson, Grankvist, Yenjeychik, Kaleshin, Gazinskiy (Strannberg, 81), Mamayev (Ahmedov, 68), Pereyra, Smolov (Laborde, 62), Vanderson, Ari.Slovan Bratislava – Muxa, Kotula, Gudak, Sekulich, Salata, Gonsales (Shtefanik, 80), Podani, Milinkovich, Vittek, Zrelak (Kubik, 73), Mesarosh (Orshula, 60).Ogohlantirish: Mamayev (56).

Jilina (Slovakiya) – Vorskla (Ukraina) 2:0 (1:0)Gollar: 1:0 – 26 Yelich, 2:0 – 73 Paur.Jilina – Voleshak, Mabuka (Shpalek, 20), Letich, Vavro, Shkrinyar, Pechovski, Kacher, Benesh (Shkvarka, 90), Paur, Migalik (Oliveyra, 83), Yelich.Vorskla – Bogush, Tkachuk, Siminin, Dallku, Sapay, Gromov (Bartulovich, 77), Chesnakov, Sklyar (Tkachuk, 85), Tursunov, Kovpak (Barannik, 80), Shinder.Noaniq penalti: Kovpak (63).Ogohlantirishlar: Paur (13), Dallku (13), Sklyar (22), Kovpak (35), Kacher (38), Sapay (42), Shkrinyar (43), Shinder (50).Chetlatish: Bogush (90).