O‘tmishning mashhur futbolchilaridan biri, argentinalik Diyego Maradona xalqaro futbol federatsiyasida paydo bo‘lgan “mafiya” bilan kurashish niyatida ekanini ma’lum qildi. Bu haqda Argentinaning “Amerika” telekanaliga tayanib, “TASS” xabar bermoqda.
“FIFA ichidagi “mafiya” bilan kurashishim kerak, — deya bayon qilgan Maradona. — Men uzoq vaqt davomida o‘zlariga tegishli bo‘lmagan narsalarni o‘zlashtirib kelgan kimsalarning tanobini tortib qo‘yishga ahd qilganman”.
Eslatib o‘tamiz, FIFA prezidentligiga navbatdan tashqari saylov 2016-yil fevralida bo‘lib o‘tadi, unga qadar tashkilotni Yozef Blatter boshqarib turadi. Oldinroq bu saylovda ishtirok etishini ma’lum qilgan Maradona “vaziyatni to‘la nazoratga olish” uchun chindan ham tashkilotga yetakchilik qilish niyati borligini yana bir bor tasdiqladi.
Izoh (0)