Qozog‘istonlik pensionerga u 15 yil avval vafot etgani to‘g‘risida ma’lum qilishdi

Qozog‘istonning Chimkent shahrida yashovchi 87 yoshli front orti mehnatkashi Aleksandr Tupitsinga yaqindan boshlab pensiya berilmay qo‘yildi, chunki uni o‘lgan deb e’tirof etishdi, deya xabar bermoqda “Nur.kz”.

FHDYo tomonidan tasdiqlangan hujjatda uning vafoti 15 yil avvalgi sana bilan ko‘rsatilgan. Amaldorlar otaxonga vaziyatni aniqlashtirishda yordam berishdan bosh tortdi.

Ushbu hujjat “Oktabr tumani FHDYo bo‘limi” tomonidan berilgan, biroq na o‘zi turadigan hudud FHDYosi xodimlari bunday bo‘limning qayerda ekanligini ayta oldi, na o‘zi qidirib topa oldi.

Tupitsin Qozog‘istonning qaysidir burchagidagi Oktabr tumanida 15 yil avval o‘zining adashi vafot etgani, o‘zini u bilan adashtirishayotganiga ishonchi komil, biroq buni qanday isbotlashni bilmay boshi qotdi.