Yevropa Ittifoqi Suriyaga gumanitar yordam miqdorini 64 million yevroga oshiradi. Qo‘shimcha yordam haqidagi qaror gumanitar vaziyat yomonlashuvi bo‘yicha ortib borayotgan xavotirlardan kelib chiqib, qabul qilingan. Bu haqda Yevrokomissiyaning rasmiy xabariga asoslanib, “Yevropeyskaya pravda” nashri xabar bermoqda.
“Siyosiy yechim yo‘qligi oqibatida kurash kuchayib, gumanitar vaziyat yomonlashib bormoqda. Qo‘shimcha moliyalashtirish muhtoj insonlarga zarur yordam ko‘rsatish imkoniyatini beradi. Ammo bo‘hron ko‘lamini hisobga olgan holda yanada jiddiyroq ko‘mak talab etiladi. Men barcha homiylarni Suriya xalqini qo‘llab-quvvatlash borasidagi majburiyatlarini bajarishga chaqiraman”, — deya ta’kidladi YeI gumanitar yordam va bo‘hronli vaziyatlarni boshqarish masalalari komissari Kristos Stilianides.
Eslatib o‘tamiz, oldinroq YeI Suriyadagi mavjud tuzumga qarshi sanksiyalarni yana bir yilga uzaytirgan edi.
Izoh (0)