Европа Иттифоқи Сурияга гуманитар ёрдам миқдорини 64 миллион еврога оширади. Қўшимча ёрдам ҳақидаги қарор гуманитар вазият ёмонлашуви бўйича ортиб бораётган хавотирлардан келиб чиқиб, қабул қилинган. Бу ҳақда Еврокомиссиянинг расмий хабарига асосланиб, «Европейская правда» нашри хабар бермоқда.
«Сиёсий ечим йўқлиги оқибатида кураш кучайиб, гуманитар вазият ёмонлашиб бормоқда. Қўшимча молиялаштириш муҳтож инсонларга зарур ёрдам кўрсатиш имкониятини беради. Аммо бўҳрон кўламини ҳисобга олган ҳолда янада жиддийроқ кўмак талаб этилади. Мен барча ҳомийларни Сурия халқини қўллаб-қувватлаш борасидаги мажбуриятларини бажаришга чақираман», — дея таъкидлади ЕИ гуманитар ёрдам ва бўҳронли вазиятларни бошқариш масалалари комиссари Кристос Стилианидес.
Эслатиб ўтамиз, олдинроқ ЕИ Суриядаги мавжуд тузумга қарши санкцияларни яна бир йилга узайтирган эди.
Изоҳ (0)