Gretsiya politsiyasi namoyishchilarga qarshi ko‘zdan yosh oqizuvchi gazdan foydalandi

Yevrohudud Gretsiyaga moliyaviy ko‘mak berishni davom ettirish uchun ba’zi iqtisodiy choralarni taklif qilgandi. Afinada minglar greklar bu taklifga qarshi namoyish o‘tkazdi, deb xabar qiladi “Korrespondent.net”.

Chorshanba, 15-iyul oqshomida parlament binosi oldida namoyishchilar va politsiya o‘rtasida to‘qnashuvlar bo‘lib o‘tdi. Bu vaqtda parlamentda kreditor mamlakatlarning taklifiga rozi bo‘lish-bo‘lmaslik masalasi ko‘rib chiqilayotgandi.

Namoyishchilar turli shisha idishlar va tosh otishni boshlaganidan keyin politsiya ko‘zdan yosh oqizadigan gazdan foydalanishga majbur bo‘ldi. Politsiya hisob-kitobiga ko‘ra, Sintagma maydoniga 12,5 mingga yaqin kishi to‘plandi.

Yevrohudud soliqlarni oshirish va nafaqalarni kamaytirish taklifi bilan chiqqandi. 5-iyul kuni o‘tkazilgan referendumda greklar bu taklifga qarshi ovoz bergandi. Ammo hukumat taklifni qabul qilishi mumkin.