Евроҳудуд Грецияга молиявий кўмак беришни давом эттириш учун баъзи иқтисодий чораларни таклиф қилганди. Афинада минглар греклар бу таклифга қарши намойиш ўтказди, деб хабар қилади «Korrespondent.net».
Чоршанба, 15 июль оқшомида парламент биноси олдида намойишчилар ва полиция ўртасида тўқнашувлар бўлиб ўтди. Бу вақтда парламентда кредитор мамлакатларнинг таклифига рози бўлиш-бўлмаслик масаласи кўриб чиқилаётганди.
Намойишчилар турли шиша идишлар ва тош отишни бошлаганидан кейин полиция кўздан ёш оқизадиган газдан фойдаланишга мажбур бўлди. Полиция ҳисоб-китобига кўра, Синтагма майдонига 12,5 мингга яқин киши тўпланди.
Евроҳудуд солиқларни ошириш ва нафақаларни камайтириш таклифи билан чиққанди. 5 июль куни ўтказилган референдумда греклар бу таклифга қарши овоз берганди. Аммо ҳукумат таклифни қабул қилиши мумкин.
Изоҳ (0)