Rossiyada nishonlangan Oila, sevgi va sadoqat kuni munosabati bilan Toshkentdagi 11 ta oilaviy juftlikka “Sevgi va sadoqat uchun” medali berildi. Bu haqda “Rossotrudnichestvo”ning O‘zbekistondagi vakolatxonasiga tayanib, “RIA Novosti” xabar qiladi.
Oila, sevgi va sadoqat kuni XIII asrda yashagan avliyo Pyotr va Fevroniya xotirasi sharafiga nishonlanadi. Rossiyada Oila kuni 2008-yildan beri 8-iyul sanasida nishonlanib kelinadi.
“Sevgi va sadoqat uchun” medali 25 yil nikohda birga yashagan, jamiyat uchun munosib bolalarni tarbiyalagan va boshqa oilalarga har jihatdan o‘rnak bo‘lgan er-xotinlarga beriladi.
Tadbir mehmonlari uchun “Oila, sevgi va sadoqat kuni” fotoko‘rgazmasi namoyish qilindi. Bundan tashqari, bolalar raqs va vokal ansambllari ishtirokida konsert dasturi uyushtirildi.
Izoh (0)