Россияда нишонланган Оила, севги ва садоқат куни муносабати билан Тошкентдаги 11 та оилавий жуфтликка «Севги ва садоқат учун» медали берилди. Бу ҳақда «Россотрудничество»нинг Ўзбекистондаги ваколатхонасига таяниб, «РИА Новости» хабар қилади.
Оила, севги ва садоқат куни XIII асрда яшаган авлиё Пётр ва Феврония хотираси шарафига нишонланади. Россияда Оила куни 2008 йилдан бери 8 июль санасида нишонланиб келинади.
«Севги ва садоқат учун» медали 25 йил никоҳда бирга яшаган, жамият учун муносиб болаларни тарбиялаган ва бошқа оилаларга ҳар жиҳатдан ўрнак бўлган эр-хотинларга берилади.
Тадбир меҳмонлари учун «Оила, севги ва садоқат куни» фотокўргазмаси намойиш қилинди. Бундан ташқари, болалар рақс ва вокал ансамбллари иштирокида концерт дастури уюштирилди.
Изоҳ (0)