Moskvalik erkak mashinasining jarima maydoniga olib ketilishiga to‘sqinlik qilish uchun salonga xotini va bolasini o‘tqazib qo‘ydi

Mashina qo‘yish qoidalarini buzganligi uchun Moskva markazidagi ko‘chalardan birida qoldirib ketilgan avtomobilni jarima maydoniga tortishga qaror qilishdi. Avtomobil egasi bunga qarshilik qilib, mashina saloniga xotini va bolasini o‘tqazishga harakat qildi. Bu haqda Moskva parkovka hududi ma’muriyati matbuot xizmatiga tayanib, “TASS” xabar bermoqda.

Matbuot xizmatining izoh berishicha, Moskva ma’muriy yo‘l inspeksiyasi xodimi qaroriga ko‘ra, 12-iyul, yakshanba kuni “Jeep rusumidagi avtomobil mashina qo‘yish qoidalarini buzganligi uchun maxsus qo‘nimgohga yetkazish maqsadida evakuator platformasiga yuklangan. Evakuator harakatini boshlagunicha yetib kelgan kishi avtomobilga xotini va bolasini o‘tqazib, ularni suratga ola boshlagan. Avtomobilga egalik huquqini tasdiqlovchi hujjatlarni taqdim etishdan bosh tortgan”.

Yo‘l-patrul xizmati xodimlari voqea joyiga yetib kelib, hujjatlarni tekshirgach, avtomobil egasiga qaytarildi, parkovka qoidalari buzilgani uchun esa jarima yozildi.