Eron prezidenti Hasan Ruhoniy mamlakatning yadro muzokaralari doirasidagi huquqlarini himoya etish to‘g‘risidagi qonunni imzoladi hamda bajarish uchun Eron tashqi ishlar vazirligi va atom energetikasi bo‘yicha tashkilotga taqdim etdi. Bu haqda “Exo Moskvi” radiosi xabar bermoqda.
Qonun loyihasi Eron parlamenti tomonidan 23-iyunda ma’qullangan. Ushbu hujjatga ko‘ra, mamlakatga nisbatan jazo sanksiyalari o‘sha kunning o‘zida olib tashlangandagina Eron “xalqaro vositachilar oltiligi”ning kelishilgan shartlarini qabul qiladi. Shuningdek, qonunda cheklovlar tinch yadro texnologiyalariga yo‘naltirilmasligi belgilab qo‘yilgan.
Oldinroq Venadagi muzokaralar yakuniga yetayotgani va 13-iyul, dushanba kuni kelishuv imzolanishi xabar qilingan edi.
Izoh (0)