Putin: Rossiyaning tajovuzkor rejalari yo‘q va bo‘lishi ham mumkin emas

Rossiyaning biror bir mamlakatga tahdid qilish niyati yo‘q, Moskva bahsli masalalarni siyosiy vositalar orqali hal qilishga intiladi. Bu haqda Rossiya prezidenti Vladimir Putin ma’lum qildi, deya xabar bermoqda Korrespondent.net.

Uning qo‘shimcha qilishicha, “Rossiya – jahon uchun ochiq mamlakat va u kim tayyor bo‘lsa, o‘sha bilan hamkorlik va sherikchilikni mustahkamlash tarafdoridir”.

Putinning qayd etishicha, Rossiya o‘z chegaralari yaqinida bir qator tahdidlarni ko‘rmoqda. “Shu sababli ham kuchli, zamonaviy qurollar bilan ta’minlangan armiya – Rossiya suvereniteti va hududiy yaxlitligi kafolatidir”, - dedi Putin.

Avvalroq Vladimir Putin faqat nosog‘lom odamgina Rossiyaning NATOga hujum qilishi mumkinligini tasavvur etishi mumkinligi haqida fikr bildirgan edi.