Qiyofasining g‘ayrioddiy ko‘rinishi sabab pessimist mushuk deb ta’riflanadigan Pekinda yashovchi Luxu laqabli mushuk Instagram yulduziga aylandi. Bu haqda Nur.kz xabar bermoqda.
Uning egasi Meggi Lyu Instagram’dagi sahifasida asosan tushkun qiyofali mushugining suratlarini e’lon qiladi. Bir oy ichida uning akkauntiga 25 mingdan ortiq foydalanuvchi obuna bo‘ldi.
Lyuning ma’lum qilishicha, uyda Luxuning Barker laqabli akasi va Bardi nomli opasi ham bor, biroq ularning qiyofasi odatiy mushuklarnikidan farq qilmaydi.
Ma’lum bo‘lishicha, Luxu o‘zining doimiy tushkun qiyofasiga uy hovlisida puma (mushuksimonlarga oid yirik jonivor)ni ko‘rganidan so‘ng ega bo‘lgan – yovvoyi hayvon Luxuga tegmagan, biroq uni juda qattiq qo‘rqitib yuborgan.
Izoh (0)