Сочида 25 июнь куни кучли ёмғир туфайли сув тошқини юзага келди, дея хабар бермоқда Meduza. Шаҳарда бир ярим ойлик ёғин меъёри ёғди, дарёдаги сув сатҳи хавфли даражадан бир метр ошиб кетди.
Маҳаллий ҳукумат Адлер туманида ҳамда Хостин туманидаги Кудепста қишлоғида фавқулодда ҳолат эълон қилди.
Зарар кўрган туманлардан аҳоли эвакуация қилинди. Ўз уйларида қолаётган кишилардан кўчага чиқмаслик ва соҳилга яқинлашмаслик сўралди: денгизда қуюнлар пайдо бўла бошлаган ва улар қуруқликка чиқиши ҳам мумкин эди.
Сочи аэропорти ёзги майдон ва терминал сув остида қолгани туфайли ёпилди. Икки мингга яқин йўловчилар парвозни кутиб қолди. Вокзални ҳам сув босгани туфайли, темир йўлдаги ҳаракат тўхтатилди.
Изоҳ (0)