Яқин Шарқ респиратор синдроми (MERS) коронавируси қурбонлари сони 31 кишига етди. Касалликдан зарарланганлар сони 181 кишини ташкил қилмоқда, деб хабар беради «Newskaz.ru».
Коронавирусдан зарарланганлар сони бир кун олдинга қараганда 1 кишига кўпайди, вафот этганлар сони эса 2 кишига ортди. Айни вақтда 2,9 минг киши карантин тартиби тавсия қилинган.
25-июнь куни Жанубий Корея ҳукумати MERS коронавируси тарқалиши билан мамлакат иқтисодиётига етказилган салбий таъсирлар оқибатларини юмшатиш мақсадида парламент орқали 15 триллион вон (13,5 миллиард доллар) миқдоридаги қўшимча бюджетни тасдиқлатишни режалаштираётганини маълум қилганди.
Касалликнинг кенг тарқалиши сайёҳлик ва транспорт соҳалари, меҳмонхона ва ресторан бизнесига жиддий зарар етказди.
Коронавирусга қарши вакцина ҳозирча топилгани йўқ. Яқин Шарқда ушбу касалликни юқтириб олганларнинг 40 фоизида ўлим ҳолати қайд этилган бўлса, Жанубий Кореяда бу кўрсаткич 17 фоизни ташкил қилмоқда.
Изоҳ (0)