Австралиядаги йўл-тарнспорт ҳодисасида 40 йилдан буён ўзини қонунга риоя қилувчи фуқаро қилиб кўрсатган эркак ҳалок бўлди, дея хабар бермоқда Tampa Bay Times. Аниқланишича, у Яшил қитъага келишидан аввал наркотиклар контрабандаси билан шуғулланган ва АҚШда ўз ўлимини саҳналаштириш орқали суддан қочиб қутулган.
1974 йилда 37 ёшли Реймонд Грейди Стенсил наркотиклар савдосида айбланиб, ҳибсга олинган. У 500 минг доллар гаров пули эвазига қўйиб юборилган. Белгиланган суд мажлисига келмагач, адвокати у аквалангда сузаётиб чўкиб кетганини айтган. Ҳодиса ҳақида гумонланувчининг дугонаси Жэнит Вуд гувоҳлик берган. Аслида эса Реймонд хотини ва тўрт фарзандини ташлаб Жэнит билан дунё бўйлаб саёҳатга чиқиб кетган. Охири улар Австралияда қарор топган.
Жуфтлик турмуш қурган, фарзандли бўлган. Реймонд умрининг қолган қисмини бошқа исм остида туроператор сифатида яшаб ўтган ва ўз туманида ҳурматли одамга айланган. 78 ёшида эса автомобиль ҳалокатига учраб ҳаётдан кўз юмган.
Реймонднинг ўтган ҳаёти ҳақида Жэнит журналистларга сўзлаб берган.
Изоҳ (0)