Amerikalik biolog va 1962-yilgi Nobel sovrindori doktor Jeyms Uotsonga uning Nobel medali qaytarib berildi, deya xabar qilmoqda Interfax.
Rossiya Fanlar akademiyasi Prezident zalida unga medalni qaytarish marosimi bo‘lib o‘tdi. Tadbirlarda Rossiya Fanlar akademiyasi prezidenti Vladimir Fortov ishtirok etdi.
Eslatib o‘tamiz, rossiyalik milliarder Alisher Usmonov 2014-yil 4-dekabr kuni Nyu-Yorkdagi Christie’s kimoshdi savdosida DNK qo‘sh spirali ixtirochisi Uotsonning Nobel medalini 4,76 million dollarga sotib olgan va uni o‘z otasini hayotdan olib ketgan saratonni davolash usullarini izlash bilan shug‘ullangan olimga qaytarib berishini ma’lum qilgan edi. O‘z navbatida, amerikalik biolog savdodan olingan 4,1 million dollarni (qolgan qismi kimoshdi savdosi uyiga beriladi) o‘quv muassasalariga xayriya sifatida ishlatishini bildirgan.
Izoh (0)