Farg‘ona shahrida tennis bo‘yicha sovrin jamg‘armasi 50 ming AQSh dollarini tashkil etuvchi “Chellenjer” turnirining asosiy to‘r bahslari davom etyapti. Unda dunyoning o‘ndan ziyod davlatidan yetakchi raketka ustalari o‘z imkoniyatlarini sinovdan o‘tkazmoqda, deb xabar qiladi “Olamsport.com”.
13-iyun kuni Namangandagi “Fyuchers” turnirida bosh mukofotni qo‘lga kiritgan Temur Ismoilov Farg‘onadagi ishtirokini ham g‘alaba bilan boshladi. U ilk davra bahsida asli gretsiyalik, ayni paytda Rossiya fuqarosi bo‘lgan Markos Kalovelonisni 7:6, 6:2 hisobida taslim etdi.
Musobaqaning asosiy to‘riga imtiyozli ravishda qo‘yilgan Jo‘rabek Karimov Xitoy Taypeyi vakili, dunyo reytingida 214-pog‘onada borayotgan Ti Chenga 0:6, 3:6 hisobida imkoniyatni boy berib qo‘ydi. O‘zbekistonlik tennischilardan Saida’lo Saidkarimov belaruslik Yaroslav Shilaga 1:6, 2:6, Shonig‘mat Shofayziyev Bosniya va Gersegovina vakili Aldin Setkichga 1:6, 3:6 hisobida imkoniyatni boy berib qo‘ydi.
Izoh (0)