Фарғона шаҳрида теннис бўйича соврин жамғармаси 50 минг АҚШ долларини ташкил этувчи «Челленжер» турнирининг асосий тўр баҳслари давом этяпти. Унда дунёнинг ўндан зиёд давлатидан етакчи ракетка усталари ўз имкониятларини синовдан ўтказмоқда, деб хабар қилади «Olamsport.com».
13 июнь куни Намангандаги «Фьючерс» турнирида бош мукофотни қўлга киритган Темур Исмоилов Фарғонадаги иштирокини ҳам ғалаба билан бошлади. У илк давра баҳсида асли грециялик, айни пайтда Россия фуқароси бўлган Маркос Каловелонисни 7:6, 6:2 ҳисобида таслим этди.
Мусобақанинг асосий тўрига имтиёзли равишда қўйилган Жўрабек Каримов Хитой Тайпейи вакили, дунё рейтингида 214-поғонада бораётган Ти Ченга 0:6, 3:6 ҳисобида имкониятни бой бериб қўйди. Ўзбекистонлик теннисчилардан Саидаъло Саидкаримов беларуслик Ярослав Шилага 1:6, 2:6, Шониғмат Шофайзиев Босния ва Герцеговина вакили Алдин Сеткичга 1:6, 3:6 ҳисобида имкониятни бой бериб қўйди.
Изоҳ (0)