Nepaldagi halokatli zilzila natijasida Everest uch santimetrga janubi-g‘arbga siljidi, deya xabar bermoqda “Nur.kz”.
Bunday xulosaga Geodeziya, xaritashunoslik va yer tuzish bo‘yicha Xitoy milliy ma’muriyati keldi.
Tadqiqotchilar ma’lumotlariga ko‘ra, so‘nggi 10 yil ichida Jomolungma shimoli-sharqqa qarab yiliga 4 santimetr tezlikda jami 40 santimetrga siljigan. Bundan tashqari, tog‘ balandligi shu davrning o‘zida 4 santimetrga oshgan.
Aprel oxirida britaniyalik olimlar Nepaldagi zilzila Everest balandligiga ta’sir ko‘rsatmaganini aytgan edi. Cho‘qqining balandligi dengiz sathidan 8848 metrni tashkil etadi.
25-aprelda Nepalda sodir bo‘lgan yer silkinishi 7,8 magnitudani tashkil etdi, u 8 mingdan oshiq kishining umriga zomin bo‘ldi.
Izoh (0)