Непалдаги зилзила туфайли Эверест чўққиси 3 сантимeтрга силжиди

Непалдаги ҳалокатли зилзила натижасида Эверест уч сантимeтрга жануби-ғарбга силжиди, дея хабар бермоқда «Nur.kz».

Бундай хулосага Геодезия, хариташунослик ва ер тузиш бўйича Хитой миллий маъмурияти келди.

Тадқиқотчилар маълумотларига кўра, сўнгги 10 йил ичида Жомолунгма шимоли-шарққа қараб йилига 4 сантимeтр тезликда жами 40 сантимeтрга силжиган. Бундан ташқари, тоғ баландлиги шу даврнинг ўзида 4 сантимeтрга ошган.

Апрель охирида британиялик олимлар Непалдаги зилзила Эверест баландлигига таъсир кўрсатмаганини айтган эди. Чўққининг баландлиги денгиз сатҳидан 8848 метрни ташкил этади.

25 апрелда Непалда содир бўлган ер силкиниши 7,8 магнитудани ташкил этди, у 8 мингдан ошиқ кишининг умрига зомин бўлди.