Rossiyaning O‘zbekistondagi elchisi Vladimir Tyurdenev O‘zbekiston Davlat akademik rus drama teatri direktori o‘rinbosari Irina Xilkovaga Pushkin medalini topshirdi. Bu haqda UzDaily xabar bermoqda.
Irina Xilkova “Rossiya bilan do‘stlik va hamkorlik aloqalarini mustahkamlashga qo‘shgan hissasi uchun” Rossiya prezidenti Vladimir Putinning farmoniga muvofiq mazkur medal bilan taqdirlandi.
Elchi teatr sahnasida turli tadbirlarni tashkil etishdagi harakatlari, xususan, 9-iyun kuni Rossiya kuniga bag‘ishlangan ajoyib konsertni tashkil etgani uchun Xilkovaga minnatdorchilik bildirdi.
Izoh (0)