Joriy yilning oxirigacha 77 yangi bog‘ tashkil etilib, mavjud 148 bog‘dan 105 tasi kapital rekonstruksiya qilinadi, 29 tasini kapital ta’mirlash, 14 tasini joriy ta’mirlash rejalashtirilgan, deya xabar bermoqda O‘zA.
Bu ishlar O‘zbekiston Respublikasi Vazirlar Mahkamasining 2010-yil 29-dekabrdagi “2011—2015-yillarda madaniyat va istirohat bog‘larining moddiy-texnika bazasini mustahkamlash va ularning faoliyatini yanada takomillashtirish chora-tadbirlari dasturini tasdiqlash to‘g‘risida”gi qaroriga binoan amalga oshiriladi.
Dastur asosida 2011—2014-yillarda 90 ta madaniyat va istirohat bog‘ida keng ko‘lamli ta’mirlash va jihozlash ishlari bajarildi. Madaniyat va istirohat bog‘lariga 800 dan ortiq zamonaviy attraksion o‘rnatildi. Ushbu ishlarga 133 milliard 656 million so‘mdan ortiq mablag‘ sarflandi. Hozir yana 80 bog‘da bosqichma-bosqich ta’mirlash ishlari davom ettirilmoqda.
O‘zbekistondagi 225 madaniyat va istirohat bog‘ida dam olish mavsumi boshlanganidan buyon turli madaniy-ma’rifiy tadbirlar, konsertlar, ijodiy uchrashuvlar, bolalar uchun sport musobaqalari o‘tkazilmoqda. “Keksalarni e’zozlash yili” Davlat dasturi doirasida mazkur muassasalarda nuroniylarga mo‘ljallangan dam olish maskanlari tashkil etilib, ularda faxriylarning maroqli hordiq chiqarishi uchun zarur shart-sharoit yaratilmoqda.
Izoh (0)