O‘zbekiston delegatsiyasi BMT Oziq-ovqat va qishloq xo‘jaligi tashkiloti (FAO) Konferensiyasining Rimda bo‘lib o‘tgan 39-sessiyasi doirasida tuzilma bosh direktori Joze Gratsianu da Silva bilan uchrashdi. Bu haqda UzDaily xabar bermoqda.
Uchrashuv chog‘ida 2014-yil iyun oyida FAOning Toshkentdagi vakolatxonasi ochilgani ikki tomonlama hamkorlikning muhim bo‘g‘ini bo‘lgani alohida qayd etildi. FAO bosh direktori vakolatxonaning to‘laqonli va samarali faoliyat yuritishi uchun O‘zbekiston hukumati tomonidan ko‘rsatilayotgan e’tiborni yuksak baholadi.
O‘zbekistonda yaqinda FAOning chigirtkaga qarshi kurash, fitosanitariya nazorati, akvakulturani moslashtirish va yer resurslarini barqaror boshqarish bo‘yicha to‘rtta subregional va hududiy loyihalariga qo‘shildi va Da Silva ushbu harakatlarni alohida qayd etib o‘tdi.
FAO rahbarining ma’lum qilishicha, tashkilot qishloq xo‘jalik mahsulotlari ishlab chiqarishga ixtisoslashgan qurg‘oqchilikka moyil va sho‘rlangan hududlarda yerni barqaror boshqarish va cho‘l, tog‘ va vodiy hududlarida o‘rmon xo‘jaligidan barqaror foydalanish bo‘yicha O‘zbekistonni bundan keyin ham qo‘llab-quvvatlashga tayyor.
Uchrashuv chog‘ida texnologiyalarni taqdim etish va imkoniyatlarni oshirish yo‘li bilan O‘zbekistonda oilaviy fermerlikni qo‘llab-quvvatlash sohasidagi qo‘shma loyihalarni amalga oshirish istiqbollari qayd etildi.
Izoh (0)