O‘zbekiston va Rossiya o‘rtasidagi mahsulot ayirboshlash hajmi 2014-yil yakunlariga ko‘ra, O‘zbekiston tomoni ma’lumotlari bo‘yicha, 6,1 milliard dollarni tashkil etdi. Bu haqda Rossiyaning O‘zbekistondagi elchisi Vladimir Tyurdenev ma’lum qildi, deya xabar bermoqda UzDaily.
Elchining so‘zlariga ko‘ra, Rossiya statistik ma’lumotlari bo‘yicha, O‘zbekiston va Rossiya o‘rtasidagi o‘zaro savdo ko‘rsatkichlari 2014-yilda 1,6 foizga qisqarib, 4 milliard dollarni tashkil etgan. Ayni vaqtda, O‘zbekiston ma’lumotlari bo‘yicha, bu ko‘rsatkich 6,1 millard dollarga teng.
2014-yili ikki tomonlama mahsulot ayirboshlash hajmi bo‘yicha O‘zbekiston MDH mamlakatlari orasida Rossiyaning to‘rtinchi hamkori bo‘ldi. Ayni vaqtda, Rossiya O‘zbekistonning barcha savdo hamkorlari orasida birinchidir (umumiy tashqi savdo aylanmasining 21,8 foizi Rossiya hissasiga to‘g‘ri keladi).
Izoh (0)