O‘zbekiston terma jamoasining JCh saralashida guruhdagi raqiblari Yaman va Shimoliy Koreya o‘rtasidagi Dohadagi o‘yinda koreyslar 1:0 hisobida yutdi, deb xabar beradi “Uff.uz”.
Uchrashuv taqdirini 72- daqiqada So Xyon Uk tomonidan kiritilgan yagona gol hal qildi.
Eslatib o‘tamiz, guruhdagi yana bir uchrashuvda Osiyoning autsayder terma jamoalaridan biri hisoblanadigan Filippin termasi o‘z maydonida sensatsion tarzda Bahraynni 2:1 hisobida mag‘lub etdi.
Shu tariqa guruhda Filippin termasi peshqadam bo‘lib turibdi. O‘zbekiston milliy terma jamoasi hozircha musobaqadagi ishtirokini boshlamagan. Eslatib o‘tamiz, Mirjalol Qosimov shogirdlari guruhdagi dastlabki o‘yinni 16-iyun kuni KXDR termasiga qarshi safarda o‘tkazadi.
JCh—2018. 2-saralash bosqichiH guruhi. 1-tur
Yaman — KXDR — 0:1 (0:0)Gol: So Xyon Uk 72.
Izoh (0)