JCh — 2018 saralashi: Filippin sensatsion tarzda Bahraynni mag‘lubiyatga uchratdi

2018-yil Rossiyada bo‘lib o‘tadigan Jahon chempionati saralashining Osiyo qit’asi bo‘yicha 2-bosqich o‘yinlariga 11-iyun kuni start berildi, deb yozadi “Uff.uz”.

O‘zbekiston milliy terma jamoasi joylashgan “H” guruhida Filippin va Bahrayn terma jamoalari o‘zaro kuch sinashdi. Uchrashuvda kutilmagan hisob qayd etildi. Osiyoning autsayder terma jamoalaridan biri hisoblanadigan Filippin termasi o‘z maydonida kechgan o‘yinda sensatsion tarzda Bahraynni 2:1 hisobida mag‘lub etdi.

Bahraynliklar javob golini hakam tomonidan qo‘shib berilgan 90+3 daqiqada kiritganini ham alohida ta’kidlab o‘tish zarur.

Shu tariqa hozircha “H” guruhida Filippin termasi peshqadamlik qilmoqda.

O‘zbekiston milliy terma jamoasi guruhdagi dastlabki o‘yinni 16-iyun kuni KXDR termasiga qarshi safarda o‘tkazadi.

JCh — 2018 2-saralash bosqichiFilippin – Bahrayn 2:1Gollar: Misah Bahadoran (50), Patino (60) – Abdulvahhob Al-Malud (90+3)