ЖЧ — 2018 саралаши: Филиппин сенсацион тарзда Баҳрайнни мағлубиятга учратди

2018 йил Россияда бўлиб ўтадиган Жаҳон чемпионати саралашининг Осиё қитъаси бўйича 2-босқич ўйинларига 11 июнь куни старт берилди, деб ёзади «Uff.uz».

Ўзбекистон миллий терма жамоаси жойлашган “H” гуруҳида Филиппин ва Баҳрайн терма жамоалари ўзаро куч синашди. Учрашувда кутилмаган ҳисоб қайд этилди. Осиёнинг аутсайдер терма жамоаларидан бири ҳисобланадиган Филиппин термаси ўз майдонида кечган ўйинда сенсацион тарзда Баҳрайнни 2:1 ҳисобида мағлуб этди.

Баҳрайнликлар жавоб голини ҳакам томонидан қўшиб берилган 90+3 дақиқада киритганини ҳам алоҳида таъкидлаб ўтиш зарур.

Шу тариқа ҳозирча “H” гуруҳида Филиппин термаси пешқадамлик қилмоқда.

Ўзбекистон миллий терма жамоаси гуруҳдаги дастлабки ўйинни 16 июнь куни КХДР термасига қарши сафарда ўтказади.

ЖЧ — 2018 2-саралаш босқичиФилиппин – Баҳрайн 2:1Голлар: Мисаҳ Баҳадоран (50), Патино (60) – Абдулваҳҳоб Ал-Малуд (90+3)