Qozog‘iston Prezidenti Nursulton Nazarboyev BMT bosh kotibi Pan Gi Mun bilan uchrashib, Jahon va an’anaviy dinlar yetakchilari syezdidagi ishtiroki uchun unga minnatdorchilik bildirdi, deb xabar bermoqda “Nur.kz”.
Qozog‘iston Prezidenti BMT bosh kotibining ushbu syezddagi ishtiroki uning ahamiyatini sezilarli darajada oshirishini ta’kidladi. Bundan tashqari, u Pan Gi Mun vaqti tig‘izligiga qaramay Qozog‘istonga tashrif buyurgani, Ostonaning yadro poligonini yopish tashabbusini qo‘llab-quvvatlaganini e’tirof etdi.
O‘z navbatida, BMT bosh kotibi ham Nursulton Nazarboyevga bunday muhim tadbirda qatnashishga taklif qilgani uchun minnatdorchilik bildirib, Qozog‘iston Prezidenti ushbu syezdni tashkil etish tashabbusini 15 yil muqaddam ilgari surganini e’tirof etdi.
Izoh (0)