Rossiyaning Sankt-Peterburg shahrida politsiya tomonidan hibsga olinayotgan vaqtida singan planshetining bir qismini yeb qo‘ygan shaxs vafot etdi. Bu haqda Gazeta.ru xabar bermoqda.
Ma’lum bo‘lishicha, politsiyaga shahar xonadonlaridan birida bir kishi uydagi hamma narsani derazadan uloqtirayotgani haqida xabar kelib tushgan. Ko‘rsatilgan uyga politsiya xodimi kelgan vaqtda, uy ichida 41 yoshli ishsiz erkak o‘z planshetining singan oynalari va plastik qismlarini yutib yuborgan.
Politsiya xodimi uy egasining ushbu xatti-harakatlari oldini olishga harakat qilgan, biroq gumonlanuvchi politsiyachi jiddiy qarshilik ko‘rsatib, unga ham tan jarohati yetkazgan. Shundan so‘ng politsiyachi “tez yordam”ni chaqirgan, biroq planshet bo‘laklarini yutib yuborgan erkak shifokorlar yetib kelguniga qadar vafot etgan.
Hozirgi vaqtda voqeaning barcha tafsilotlari o‘rganib chiqilmoqda. Politsiya xodimiga tibbiy yordam ko‘rsatilgan.
Izoh (0)