1 iyun – Xalqaro bolalarni himoya qilish kuni munosabati bilan bir guruh san’atkorlar Respublika ixtisoslashgan endokrinologiya ilmiy amaliy tibbiyot markazi qoshidagi kasalxonada katta xayriya bayram tadbirida ishtirok etdi, deb xabar qiladi “Popcorn.uz”.
Mazkur kasalxonada qandli diabet kasalligi bilan og‘rigan bolajonlar uzoq vaqt davolanib, mehribon shifokorlar yordamida dardiga shifo topmoqda.
Uyushtirilgan xayriya tadbiri tashkilotchilaridan bo‘lgan Otabek Mahkamov bolajonlarni bayram bilan tabriklab, xonandalarga navbat berdi.
Dasturda o‘zbek estradasida o‘z o‘rniga ega Ruhshona, Yoqubbek Qudratov, Abdumalik Totli, Ali Otajonov, Iroda Dilroz, Anvar Sobirov, O‘lmas Olloberganov, “Surxon” guruhi, “Navo” vokal cholg‘u ansambli hamda Shahriyor ishtirok etdi. Xonandalarning kuy-qo‘shiqlariga hamohang raqsga tushgan bolalarning dillari yayrab, yuzlaridan tabassum arimadi.
Fayzli dasturxon yozilib, mehmon bo‘lgan bolalarga homiylar tomonidan sovg‘alar, o‘yinchoqlar va bemorlar uchun zarur antiseptik vositalar taqdim etildi.
Izoh (0)