1 июнь – Халқаро болаларни ҳимоя қилиш куни муносабати билан бир гуруҳ санъаткорлар Республика ихтисослашган эндокринология илмий амалий тиббиёт маркази қошидаги касалхонада катта хайрия байрам тадбирида иштирок этди, деб хабар қилади «Popcorn.uz».
Мазкур касалхонада қандли диабет касаллиги билан оғриган болажонлар узоқ вақт даволаниб, меҳрибон шифокорлар ёрдамида дардига шифо топмоқда.
Уюштирилган хайрия тадбири ташкилотчиларидан бўлган Отабек Маҳкамов болажонларни байрам билан табриклаб, хонандаларга навбат берди.
Дастурда ўзбек эстрадасида ўз ўрнига эга Руҳшона, Ёқуббек Қудратов, Абдумалик Тотли, Али Отажонов, Ирода Дилроз, Анвар Собиров, Ўлмас Оллоберганов, «Сурхон» гуруҳи, «Наво» вокал чолғу ансамбли ҳамда Шаҳриёр иштирок этди. Хонандаларнинг куй-қўшиқларига ҳамоҳанг рақсга тушган болаларнинг диллари яйраб, юзларидан табассум аримади.
Файзли дастурхон ёзилиб, меҳмон бўлган болаларга ҳомийлар томонидан совғалар, ўйинчоқлар ва беморлар учун зарур антисептик воситалар тақдим этилди.
Изоҳ (0)