Intel Altera’ni 15 milliard dollarga baholadi

The New York Times’ning o‘z manbalariga asoslanib ma’lum qilishicha, chip ishlab chiqarishga ixtisoslashgan Intel va Altera kompaniyalari birlashishga tayyor turibdi. Bu haqda 3dnews.ru xabar bermoqda.

Nashr ma’lumotlariga ko‘ra, Intel Altera’ga qariyb 15 milliard dollar to‘laydi. Avvalroq Altera Intel’ning deyarli shunday taklifini rad etgandi.

Manbaning qayd etishicha, savdo kelasi hafta oxirida rasmiylashtiriladi. Intel va Altera vakillari hozircha ushbu savdo bo‘yicha hech qanday izoh berishmayapti.

Agar Intel Altera’ni sotib olsa, bu kompaniya tarixidagi eng yirik xarid bo‘ladi. Hozircha esa 2011 yili sotib olingan antivirus ishlab chiqaruvchi McAfee kompaniyasi Intel’ning eng qimmat xaridi hisoblanadi – o‘shanda Intel 7,7 milliard dollardan voz kechgandi.