AQSH Xitoyning Janubiy Xitoy dengizidagi bahsli hududlarni egallab olishga qaratilgan harakatlarini zudlik bilan to‘xtatishga chaqirdi. Bu haqda RBC.ru xabar bermoqda.
Osiyo-Tinch okeani havzasidagi xavfsizlik masalalari bo‘yicha Singapurda ochilgan forumda AQSH mudofaa vaziri Eshton Karter Xitoyning mazkur harakatlari xalqaro talablarga javob bermasligini aytib o‘tdi.
“Birinchi galda, biz barcha bahslar tinch yo‘l bilan hal etilishi tarafdorimiz. Shuningdek, biz bahsli hududlarning bundan keyin ham harbiylashtirilishiga qarshimiz”, - dedi Pentagon rahbari.
Eslatib o‘tamiz, Xitoy ma’muriyati Janubiy Xitoy dengizidagi bir qator arxipelag va yakka orollar yuzasidan qo‘shni Filippin, Vyetnam, Malayziya, Tayvan va Bruney bilan bahslashib keladi.
Izoh (0)