AQShda har yili o‘tkazib kelinadigan savodxonlik bo‘yicha Spelling Bee tanlovida ketme-ket sakkizinchi marta kelib chiqishi hindistonlik bo‘lgan bolalar bosh sovrinni qo‘lga kiritdi, deb xabar qiladi CNN.
Missuri shtatidan bo‘lgan 14 yoshli Gokul Venkatachalam va Kanzas shtatidan 13 yoshli Vaniya Shivashankar — 35 ming dollar mukofotni yutib oldi.
Finalda o‘smirlar 25 tadan qiyin so‘zlarni to‘g‘ri talaffuz qilib, ayta oldi. Vaniya uchun oxirgi so‘z scherenschnitte (qora qog‘ozdagi siluet), Gokul uchun esa nunatak (barcha tomonlari muz bilan o‘ralgan cho‘qqi) bo‘ldi.
O‘tgan yili Venkatachalam 3-o‘rinni egallagandi. 2009-yilda esa Vaniyaning opasi Kaviya ham Spelling Bee tanlovi g‘olibasi bo‘lgandi.
AQShda 90-marta o‘tkazilgan Spelling Bee tanlovida 283 nafar bola ishtirok etdi.
Izoh (0)