28 май куни «Россия» телеканалида чеченистонлик 47 ёшли полиция бошлиғи ва 17 ёшли қизнинг никоҳига бағишланган «Мингйиллик тўйи: Луиза нега йиғлади?» деб номланган кўрсатув эфирга узатилди. Бу ҳақда «Nur.kz» хабар бермоқда.
Репортаж чоғида бошловчига Рамзан Қодиров ҳамроҳлик қилди. Улар биргаликда Нажуд Гучигов ва Луиза Гойлабиеванинг уйига борди, у ерда Чеченистон етакчиси ўз халқига хос бўлган баъзи оилавий анъаналарни кўрсатиб ва тушунтириб берди.
Журналист полициячининг ёш рафиқаси билан суҳбатлашиб, ундан турмушга ўз хоҳиши билан чиққан-чиқмаганлигини сўради. Қиз бунга жавобан никоҳга ўзи розилик берганини таъкидлади.
Эслатиб ўтамиз, Гучигов ва Гойлабиеванинг никоҳи 16 май куни Грозний никоҳ саройида қайд этилган эди. Тадбирга Қодировнинг ўзи ташриф буюриб, уни «мингйиллик тўйи» деб атаган ва лезгинка рақсига тушган эди.
Изоҳ (0)